پریس کانفرنس الریاض سعودی عرب

پریس کانفرنس الریاض سعودی عرب..

رپورٹ سارہ عمر الرياض سعودی عرب) ڈائریکٹر ایشین فیسٹیول 2020 اور ای ایم ٹی گلوبل کے زیر اہتمام فوڈ پیلس ریسٹورنٹ الرياض میں ایک پریس کانفرنس کا انعقاد کیا گیا-پریس کانفرنس میں سوشل اور پرنٹ میڈیا کے نمائندوں،ادیبوں، رپورٹرز اور صحافیوں کی بڑی تعداد نے شرکت کی-پریس کانفرنس کا مقصد الریاض میں ہونے والے ایک بہت بڑے ایونٹ کے متعلق معلومات فراہم کرنا تھا-پریس کانفرنس سے خطاب کرتے ہوئے ڈائریکٹر ایشین فیسٹیول راحیل قریشی کا کہنا تھا کہ یہ الریاض میں ہونے والا اب تک کا سب سے بڑا اور منفرد کلچرل ایونٹ ہے-اس میں چھ ممالک کے باشندے نہ صرف پرفارم کریں گے بلکہ ان کے کلچر، تہذیب و ثقافت کو فروغ بھی دیا جائے گا-ان چھ ممالک میں پاکستان، انڈیا، بنگلہ دیش، سری لنکا، نیپال اور فلپائن شامل ہیں-ایشن فیسٹیول کا انعقاد 28 فروری بروز جمعہ ساحل تھیم پارک میں کیا جائے گا-اس فیسٹیول میں کلچرل شوز، بسنت، فوڈ اسٹالز، مہندی لگانے کا مقابلہ، بچوں کے لیے رنگ بھرنے کا مقابلہ، فیس پینٹنگ کا مقابلہ، ٹیلنٹ شوز اور آرٹس ایکسپو کا بھی اہتمام کیا جائے گا-شرکاء میں انعامات بھی تقسیم کیے جائیں گے-ای ایم ٹی گلوبل کے عبید ایڈوانہ کا کہنا تھا کہ اس طرح کے تفریحی ایونٹس دیگر ممالک کے افراد کے ساتھ دوستانہ تعلقات کے فروغ کے قیام کے لیے نہایت اہم ہیں-ماضی میں بھی اس طرح کے ایونٹس کا انعقاد ہو چکا ہے جنہیں بہت سراہا گیا-فوڈ پیلس ریسٹورنٹ کی جانب سے سجاد علی چوہدری نے اپنے بھرپور تعاون کی یقین دہانی کروائی-انہوں نے گزارش کی اس تقریب میں شرکت کر کے اس فیسٹیول کو کامیاب بنایا جائے تاکہ مستقبل میں اس طرح کے مزید فیسٹیول کا انعقاد کیا جا سکے-تقریب میں راحیل قریشی، شیخ سلیم، حمزہ شیخ کے علاوہ بنگلہ دیش، انڈیا اور سری لنکا کے نمائندوں نے بھی شرکت کی-اس ایونٹ کو کامیاب بنانے کے لیے ویسٹرن یونین، لولو مارکٹ، نیسٹو، فرینڈی، بیسٹ کارگو، المرائی، سٹی فلاور کے علاوہ دیگر برنڈز نے بھی تعاون کیا ہے-ایشین فیسٹیول 2020 میں صفا مکہ کلینک کی جانب سے فری میڈیکل کیمپ بھی لگایا جائے گا-راسل واٹر اور المرائی کی جانب سے فری پانی اور جوس بھی شرکاء میں تقسیم کیا جائے گا-اس ایونٹ میں پاکستان کے علاوہ دیگر ممالک کے پانچ ہزار سے زائد شرکاء کی آمد متوقع ہے-ایونٹ کا ٹکٹ صرف 35 ریال ہے اس کے علاوہ کوئی اضافی چارجز نہیں- تمام معزز حضرات کی جانب سے صحافی برادری کا شکریہ ادا کیا گیا جو اپنا قیمتی وقت نکال کر تشریف لائے-کانفرنس کے بعد ایک پرتکلف عشائیے کا بھی اہتمام کیا گیا-

#sarahomer #sarahschannel #urdublogs #riyadhblogger #reportwriting #asianfestival #rqproductions #emtglobal #pressconfrence #pressmeet #foodpalacehotel #riyadh